ओलीले केन्द्रीय सदस्यलाई भने- पार्टी विभाजन गर्ने तत्व सलबलाए, एकताबद्ध हुनुहाेस्

काठमाडौँ:  नेकपा (एमाले)का अध्यक्ष केपी शर्मा ओलीले पार्टी विभाजन गर्ने तत्व सलबलाएकाे बताएका छन् ।

साेमबार पार्टी केन्द्रीय कार्यालयमा जारी केन्द्रीय कमिटीकाे नवाैं बैठकमा अध्यक्ष ओलीले एमालेलाई राष्ट्रिय शक्ति हुनबाट राेक्न पार्टी विभाजन गर्ने तत्वहरू सलबलाएकाे दाबी गरेका हुन् ।

एमालेका केन्द्रीय प्रचार तथा प्रकाशन विभागका प्रमुख राजेन्द्र गौतमले पार्टीलाई एकताबद्ध हुन अध्यक्ष ओलीले निर्देशन दिएकाे उल्लेख गरे ।

गाैतमले भने, ‘नेकपा एमालेलाई एउटा निर्णायक राष्ट्रिय शक्ति बनाउने गरी मिसन ४८मा प्रस्तुत गर्नु पर्ने भएकाेले पार्टीका सबै पङ्तिलाई एकताबद्ध भएर प्रस्तुत हुन अध्यक्षले निर्देशन दिनु भएकाे छ,’ उनले भने ।