काठमाडौं : एआई र रोबोटिक्सको प्रविधिमा हरेक दिन नयाँ विस्तार देखिँदैछ। विश्वका धेरै देशमा एआईमा काम भइरहेको छ।  

एआईको सहयोगमा चीनले एकपछि अर्को नयाँ रेकर्डहरू स्थापित गरिरहेको छ।   वास्तवमा संसारमा पहिलो पटक चीनमा एआई रोबोटलाई पीएचडी गर्न भर्ना गरिएको छ। यो रोबोटको नाम जुएबा ०१ हो। यसले चार वर्षे पीएचडी कार्यक्रम गर्न लागेको छ।  

एआई रोबोटले गर्नेछ पीएचडी 

 

 

 

चीनको जुएबा नामक एआई रोबोटलाई चार वर्षे पीएचडी कार्यक्रममा भर्ना गरिएको छ। जुएबा नामक यो रोबोटलाई विश्व कृत्रिम बुद्धिमत्ता सम्मेलनको क्रममा विद्यावारिधि गर्न छनोट गरिएको हो। यो रोबोटले आगामी चार वर्षसम्म सांघाई थिएटर एकेडेमीमा पीएचडी गर्नेछ।

जानकारी अनुसार यो रोबोट बनाउन सांघाई विज्ञान तथा प्रविधि विश्वविद्यालय र ड्रोइडअप रोबोटिक्सले विशेष भूमिका खेलेको छ। जुएबाले चिनियाँ ओपेरामा अनुसन्धान गर्ने बताइएको छ।

मानिस जस्तै देखिने रोबोटका विशेषता

यो एक ह्युमनोइड रोबोट हो। यो ठ्याक्कै मानिस जस्तै देखिन्छ। यसको छाला सिलिकनबाट बनेको छ। यति मात्र नभई यो रोबोटको अनुहारको भाव मानिस जस्तै छ। 

रोबोटको तौल करिब ३० किलोग्राम छ। यस्तै यसको लम्बाइ करिब १.७५ मिटर छ। यो रोबोटलाई यस वर्षको सेप्टेम्बर महिनामा आधिकारिक रूपमा पीएचडीमा भर्ना गरिनेछ।