नेपालविरुद्ध स्ट्राइकलाई सातौं झड्का, सन्दीपले लिए तीन विकेट

अस्ट्रेलियामा जारी टप एण्ड टी–२० सिरिजअन्तर्गत पहिलो खेलमा नर्दन टेरिटोरी (एनटी) स्ट्राइकविरुद्ध नेपाललाई सातौं सफलता मिलेको छ । नेपाललाई सातौं सफलता स्पिनर सन्दीप लामिछानेले दिलाए । 

उनले १८.२ ओभरमा विकेटकिपर क्याडेल म्याकमाहनलाई १२ रनमा आउट गरे । नेपाललाई छैटौँ सफलता कप्तान रोहितकुमार पौडेलले दिलाए ।   

उनले १५.१ ओभरमा प्याट हमान्डलाई ५ रनमा आउट गरे । नेपाललाई पाँचौं सफलता उपकप्तान दीपेन्द्र सिंह ऐरीले दिलाए । उनले १३.३ ओभरमा १९ ओभरमा आउट गरे । नेपाललाई चौथो सफलता स्पिनर साहब आलमले दिलाए ।   

उनले १०.४ ओभरमा कोनर क्यारोललाई १८ रनमा आउट गरे । नेपाललाई दोस्रो सफलता पूर्वकप्तान सन्दीप लामिछानेले दिलाए । उनले ८.४ ओभरमा कप्तान डा’र्सी सर्टलाई ५३ रनमा बोल्ड गरे । सन्दीपले लगातार चार चौका दिएर विकेट लिएका हुन् । 

उनले ४.४ ओभरमा जे डिकम्यानलाई शून्यमै बोल्ड गरेका थिए । नेपाललाई पहिलो सफलता युवा अलराउन्डर रुपेश सिंहले दिलाए । टस जितेर फिल्डिङ रोजेको नेपाललाई पहिलो सफलता दिलाउनेक्रममा रुपेशले ३.४ ओभरमा ज्याक वेदरल्डलाई ११ रनमा आउट गरे ।  

खेल डार्विनको मरारा क्रिकेट ग्राउण्ड–२ मा भइरहेको हो । एनटी स्ट्राइकले सन् २०२३ मा सिरिजको पहिलो संस्करणको उपाधि जितेको थियो । 

ऊ गत वर्ष सेमिफाइनलमा पुगेको थियो । नेपाल भने पहिलोपटक यो प्रतियोगिता खेलिरहेको हो ।