अष्टे«लियाको मेलवर्नमा गौरा पर्व मनाईदै, चक्र बम र टंक तिमिल्सेना प्रस्तुति रहने

मेलवर्न २८ अगष्ट ।
सुदूर पश्चिम नेपाली समाज भिक्टोरियाले सुदूरपश्चिमको मौलिक पर्व गौरा अष्टे«लियाको मेलवर्नमा धुमधामसंग मनाउने भएको छ ।

सुदूर पश्चिम नेपाली समाज भिक्टोरियाका अध्यक्ष दीप चन्दले बिगतका वर्ष झै यस वर्ष पनि सुदूरपश्चिमेलीहरुले मेलबर्नमा गौरा पर्व धुमधामसंग मनाउन लागेको जानकारी दिए ।

अध्यक्ष चन्दले सुदूरपश्चिमको मौलिक पर्व गौराका अवसरमा गौरादेवी र महेश्वरलाई नचाउने, प्रसाद वितरण, देउडा खेल, गौरा सेलाउने लगायतका गतिबिधि गरिने जानकारी दिए ।

गौरा पर्वका अवसरमा आयोजना गरिने सांस्कृतिक कार्यक्रममा सुदूर पश्चिमका चर्चित गायक चक्र बम र टंक तिमिल्सेनाको विशेष सांगितिक प्रस्तुति रहने छ ।

भिक्टोरियाको मेलवर्न शहरमा अगष्ट ३१ तारेख शनिवार अपरान्ह ४ः३० बजेदेखि राति ९ः३० बजेसम्म गौरा पर्व मनाईने समाजका अध्यक्ष चन्दले  बताए ।

उनले गौरा पर्वका अवसरमा आयोजना हुने सांस्कृतिक कार्यक्रममा प्रवेश निशुल्क रहेको बताए ।

अध्यक्ष चन्दले गौरा पर्वमा सहभागी हुन मेलबर्नमा रहेका सुदूरपश्चिमेलीसंगै नेपाली समुदायलाई आग्रह गरे ।

गौरा पर्वको टाईटल स्पोन्सरमा क्लाईमेट ग्रिन र को– स्पोन्ससरमा मिराकल माईग्रेसन एण्ड एजुकेशन रहेको छ

गौरा पर्वको मिडिया पार्टनरमा पश्चिम टुडे मिडिया हाउस र द एभरेष्ट अनलाईन न्यूज पोर्टल रहेको छ ।