अमेरिकाको मेरिल्याण्डमा गौरा पर्व धुमधामसंग मनाईदै
मेरिल्याण्ड, २८ अगष्ट ।
सुदूर पश्चिम नेपाली समाज मेरिल्याण्डले सुदूरपश्चिमको मौलिक पर्व गौरा मेरिल्याण्डमा धुमधामसंग मनाउने भएको छ ।
सुदूर पश्चिम नेपाली समाज मेरिल्याण्डका अध्यक्ष बिक्रम शाहीले बिगतका वर्ष झै यस वर्ष पनि सुदूरपश्चिमेलीहरुले मेरिल्याण्डमा गौरा पर्व धुमधामसंग मनाउन लागेको जानकारी दिए ।
गौरा व्यवस्थापन समितिका संयोजक तीर्थराज पाण्डेयले गौरा पर्वमा गौरी पूजा, दुबधागो अभिषेक, गौरा नृत्य, विरुडा प्रसाद वितरण, परम्परागत बाजा दाईना दमाउ बजाउने, देउडा खेल र गौरा सेलाउने लगायतका गतिबिधि गरिने जानकारी दिए ।
गौरा संयोजक पाण्डेयले मेरिल्याण्डको हिन्दु बुद्ध मन्दिर प्रांगणमा अगष्ट ३१ तारेख आईतवार दिउँसो १२ बजेदेखि राति ६ बजेसम्म गौरा पर्व मनाईने बताए ।
अध्यक्ष शाहीले गौरा पर्वमा सहभागी हुन मेरिल्याण्डमा रहेका सुदूरपश्चिमेलीसंगै नेपाली समुदायलाई आग्रह गरे ।
गौरा व्यवस्थापन समितिका मिडिया संयोजक रमेश भट्टराईले सुदूरपश्चिमको मौलिक पर्व गौराको संरक्षण तथा पुस्तान्तरणका लागि विगत चार वर्षदेखि सुदूर पश्चिम नेपाली समाज मेरिल्याण्डले गौरा पर्व मनाउदै आएको बताए ।
तपाईको प्रतिक्रिया