उदयदेव सहकारीको २७ औं इकाईगत वार्षिक साधारण सभा सम्पन्न 

पश्चिम टुडे, धनगढी १४ भाद्र । 
श्री उदयदेव बहुउद्देश्यीय सहकारी संस्था लिमिटेड सेवा केन्द्र धनगढी को २७ औं इकाईगत बार्षिक साधारण सभा धनगढीमा सम्पन्न भएको छ। 

संस्थाका अध्यक्ष नारा जोशीको सभापतित्वमा सम्पन्न भएको कार्यक्रममा प्रमुख अतिथि धनगढी उपमहानगरपालिका सहकारी तथा रोजगार शाखा प्रमुख चन्द्र बहादुर महरा, विशिष्ट अतिथि राष्ट्रिय सहकारी बैंक सुदूरपश्चिम प्रदेश प्रमुख दिनेश गेलाल रहेका थिए ।  

कार्यक्रममा संस्थाले सदस्यहरूलाई बिभिन्न बिधामा पुरस्कृत गरेको छ । जसमा जेष्ठ नागरिक, बाल बचत, उत्कृष्ट उद्यमी सदस्यहरूलाई पुरस्कृत गरेको हो। अध्यक्ष नारा जोशीले शेयर सदस्य नै संस्थाका मालिक हुन । संस्थालाई यहाँ सम्म पुर्याउन यहाँहरु कै योगदान रहेको छ। आझै पनि संस्थालाई बलियो, र थप उचाईमा पुर्याउन शेयर सदस्यहरुको विशेष सहयोग आवश्यक रहेको बताइन् । 

कार्यक्रममा संचालक समितिका सदस्य, शेयर सदस्य लगायत विभिन्न व्यक्तिहरुको उपस्थिति रहेको थियो ।