आसामसँग चौथो म्याच खेल्दै नेपाल ‘ए’, एक खेलअगावै सिरिज जित्ने मौका

काठ्माण्डौँ ।  भारत भ्रमणमा रहेको नेपाल ‘ए’ क्रिकेट टिमले आइतबार चौथो म्याच खेल्दैछ ।

नेपाल र आसामबीचको खेल ५ः४५ देखि सुरु हुनेछ । सिरिजमा अहिले नेपाल ‘ए’ २–१ ले अघि छ । यदि आजको खेल जित्न सके नेपालले सिरिज एक म्याचअगावै आफ्नो पक्षमा पार्नेछ ।  

पहिलो खेलमा १५ रनको हार बेहोरेको नेपालले त्यसपछिको दुई खेलमा भने नेपालले लगातार जित निकाल्यो । तेस्रो खेलमा ९६ रनको जित निकालेको नेपालले चौथो टी–२० मा आसामलाई ९ रनले हरायो ।

नेपाल ‘ए’ आज पनि उत्कृष्ट प्रदर्शन गरेर जित यात्रा जारी राख्ने सोचमा छ । शनिबारको खेलमा ब्याटिङतर्फ सन्दीप जोराले उत्कृष्ट प्रदर्शन गरे ।

उनले ४८ बलमा चार छक्का र ६ चौकासहित सर्वाधिक ७४ रन बनाए । यस्तै, आदि आलमले १६ बलमा चार छक्का र एक चौकासहित ३५ रनको आक्रामक पारी खेले ।

उनीहरू आज पनि सोही प्रदर्शन दोहोर्याउँदै नेपाललाई एक खेल अगावै सिरिज दिलाउन चाहन्छन् ।