नेप्से ३१ अंकले घट्यो

काठमाडौं– आइतबार नेपाल स्टक एक्सचेञ्ज (नेप्से) ३१ अंकले घटेको छ । आइतबार नेप्से १.१२ प्रतिशतले घटेर परिसूचक २७४९.८३ विन्दुमा पुगेको छ । 

नेप्सेमा भारी गिरावट आउँदा दिनभरमा ६ अर्ब ६ करोड १८ लाख २२ हजार रुपैयाँ बराबरको १ करोड ४८ लाख ५ हजार ५६९ कित्ता शेयर कारोबार भएको छ । 

बजार बन्द हुँदा २१ वटा कम्पनीको शेयर मूल्य बढेको छ भने २२८ वटा कम्पनीको शेयर मूल्य घटेको छ । एक वटा कम्पनीको शेयर मूल्य भने स्थिर रहेको छ । 

दिनभरमा ३२१ वटा कम्पनी कारोबारमा आउँदा ९७ हजार १७४ पटक शेयर किनबेच भएको छ । 

१३ समूह मध्ये सबै समूह राताम्य भएको छ । सबैभन्दा बढी विकास बैंक समूह १.५९ प्रतिशतले घटेको छ ।