जेन–जीको मिटिङमा छलफल– भारतीय सेना आउनबाट रोक्नु छ

काठमाडौ । जेन–जीका प्रतिनिधिहरू अहिले छलफलमा छन् ।  राष्ट्रपति र प्रधानसेनापतिले वार्तामा बोलाएपछि एजेन्डा तय गर्न भइरहेको छलफलमा विभिन्न कोणबाट छलफल भइरहेको छ ।  उनीहरूले नेपालमा सैनिक शासन रोक्न, भारतीय सेना आउनबाट रोक्न जिम्मेवारीपूर्वक काम गर्नुपर्ने अवस्था रहेको बताइरहेका छन् । 

'भारतका सेना आउनबाट रोक्नुछ, कुनै पनि देशको हस्तक्षेप रोक्नुपर्नेछ । सैनिक शासनबाट रोक्नुपर्नेछ । त्यसैले वार्ताको तयारी छिटो गर्नुछ', जेन–जी भनिरहेका छन् । 

उनीहरूले आफूहरू परिपक्व नभएको भन्दै अनुभवी र क्षमतावान् व्यक्तिका रूपमा सुशीला कार्कीलाई सरकार प्रमुखका रूपमा अघि सार्ने धारणा पनि राखिरहेका छन् । 

आफ्ना एजेन्डाहरू तय गरी कार्कीसँग छलफल गर्नुपर्ने उनीहरूले बताएका छन् ।