मृतक जेन-जीप्रति क्यानडामा श्रद्धाञ्जली

क्यानडाको भ्यानकुभरमा जेन–जी पुस्ता र हिन्दुबुद्धिष्ट फाउन्डेसनले मिलेर नेपालमा भ्रष्टाचारविरुद्धको आन्दोलनमा शहीद जेनजीप्रति श्रद्धाञ्जली दिएका छन्। 

भदौ २५ र २७ गते भएको कार्यक्रममा मृतक जेनजीका तस्बिर, नाम र जुत्तामा कविता लेखेर फूल चढाई र दीप प्रज्वलन गरी श्रद्धाञ्जली दिइएको हो।

नेपाली–क्यानेडियन जेन–जी विनिशा थापाले भनिन्, ‘जेन–जीले भ्रष्टाचारविरुद्ध र सुशासनका लागि लड्दा ज्यान गुमाए, तर यो त्यागले नेपाललाई सही दिशामा लैजाने विश्वास छ।’