नेप्से असोज ४ गतेसम्म बन्द रहने

नेपाल स्टक एक्सचेन्ज (नेप्से) आगामी असोज ४ गतेसम्म बन्द रहने भएको छ। संस्थाले बिहीबार जारी गरेको सूचनामा असोज २ गतेसम्मका लागि पूर्वघोषित बन्दलाई असोज ४ सम्म लम्ब्याइएको उल्लेख छ।

यस अवधिमा असोज ३ गते शुक्रबार र असोज ४ गते शनिबार सार्वजनिक बिदा पर्न गएपछि शेयर कारोबार पूर्ण रूपमा रोकिएको हो।

धितोपत्र ऐन, २०६३ को दफा ९० (१) घ बमोजिम गरिएको यस निर्णयबारे नेप्सेले स्पष्ट पार्दै लगानीकर्तालाई जानकारी गराएको छ। पछिल्ला दिनमा विभिन्न लगानीकर्ता संघ–संस्थाले राजनीतिक स्थिरता नहुँदासम्म बजार खोल्नु नहुने माग गर्दै दबाब दिइरहेका थिए।