हुम्लामा नेपाल टेलिकमले गर्यो फोरजी सेवा विस्तार

काठ्माण्डौँ - नेपाल टेलिकमले हुम्लामा फोरजी सेवा विस्तार गरेकाे छ। 

गत भदौ २५ गते टेलिकमले हुम्लाकाे सर्केगाड गाउँपालिका–१ मा टूजी र फोरजी सेवा सञ्चालनमा ल्याएको  हो। 

सेवा सञ्चालनमा आएपछि सर्केगाड गाउँपालिका वडा–१, २, ४, ५ र ६ अन्तर्गत पर्ने क्षेत्रहरू जीलागाउँ, माझगाउँ, घितागाउँ, नाउली र लुम अन्तर्गत पर्ने भूभागहरूमा सेवाग्राहीहरू गुणस्तरीय फोजी सेवाबा६ लाभान्वित भएका छन्। 

हुम्ला जिल्लाकै चंखेली गाउँपालिका–६ मा पनि नेपाल टेलिकमले भदौ २७ गतेबाट टूजी र फोरजी सेवा सञ्चालनमा ल्याएको छ।

उक्त सेवा सञ्चालनमा आएसँगै चंखेली गाउँपालिका वडा–४, ५ र ६ अन्तर्गत पर्ने क्षेत्रका सेवाग्राही लाभान्वित भएको टेलिकमले जनाएको छ।