अनमोल स्टारर ‘जेरी अन टप’ गीत सार्वजनिक

काठमाडौं । चलचित्र ‘जेरी अन टप’को गीत सार्वजनिक गरिएको छ । घटस्थापनाको अवसरमा ‘कस्तूरी’ बोलको गीत सार्वजनिक गरिएको हो । 

आशिष गुवाजु र सदीक्षा कट्टेलको स्वर रहेको गीत संगीतकार जयन जे वाइबाले तयार गरेका हुन् । गीतमा वाइबाकै शब्द छ । 

गीतको भिडियोमा अनमोल केसी र अभिनेत्री आँचल शर्मा फिचर्ड छन् । भिडियोमा मुस्ताङदेखि भारतको राजस्थानका विभिन्न रमणीय दृश्य छन् । 

सुयोग गुरुङको निर्देशनमा तयार भएको ‘जेरी अन टप’मा अनमोल र आँचलसँगै अभिनेत्री जसीता गुरुङ, केदार घिमिरे, भुवन केसी र उषा खड्गी प्रमुख भूमिकामा छन् । सुरक्षा पन्त विशेष भूमिकामा छिन् । 

चलचित्र ‘जेरी अन टप’ असोज ३१ गतेबाट प्रदर्शनमा आउनेछ ।