प्रदेश स्तरीय भलिबल प्रतियोगिता हुने

घनश्याम पौडेल/ कार्तिक १६ मसुरिया 
 कैलाली, । गौरीगंगा नगरपालिकामा सुदुरपश्चिम प्रदेश स्तरीय भलिबल प्रतियोगिता हुने भएको छ । एकीकृत अखिल नेपाल शिक्षक संगठन जिल्ला समन्वय समिति कैलालीको आयोजनामा  कार्तिक २० गतेदेखि २४ गते सम्म प्रदेश स्तरीय पुरुष भलिबल प्रतियोगिता  हुने भएको हो ।
विजया दशमी तथा शुभ दिपावलीको अबसरमा शिक्षासंगै खेलकुद क्षेत्रको विकास र विस्तारमा टेवा पुर्याउने उदेश्यले प्रतियोगिताको आयोजना गर्न लागिएको एकीकृत अखिल नेपाल शिक्षक संगठन जिल्ला समन्वय समिति कैलालीका उपाध्यक्ष छत्र बहादुर बोहोराले जानकारी दिएका छन् । 
प्रतियोगितामा सहभागी हुने टीम दर्ताको लागि ५ हजार रुपैयाँ इन्ट्री शुल्क निर्धारण गरिएको छ । प्रतियोगिताको प्रथम, दोस्रो र तेस्रो हुने टिमले क्रमशः ५१ हजार, ३१ हजार, १६ हजार र चौथो हुने टिमलाई सान्त्वना स्वरुप ५ हजार सहित प्रमाणपत्र प्रदान गरिने बोहोराले जानकारी दिएका छन् ।
प्रतियोगिताका खेलहरु गौरीगंगा नगरपालिका ९ शंकरपुरमा रहेको मसुरिया फुटबल एकेडेमीको खेल मैदानमा संचालन हुनेछन् ।