हुलाकी राजमार्गको कञ्चनपुर खण्डमा विस्फोट

धनगढी : हुलाकी राजमार्गको कञ्चनपुर खण्डमा विस्फोट भएको छ। जिल्लाको पुनर्वास नगरपालिका–१ को ढक्कामा विस्फोट भएको छ। विस्फोटपछि सडकमा खाल्डो परेको छ। स्थानीयले विस्फोट भएर धुवाको मुस्लो देखेपछि प्रहरीलाई खबर गरेका थिए।

अहिले प्रहरी घटनास्थलतर्फ गइरहेको जिल्ला प्रहरी कार्यालय कञ्चनपुरले जनाएको छ। बम विस्फोट भएको हो वा अन्य कुनै कारण विस्फोट भएको हो भन्ने बारेमा अनुसन्धान पछि थाहा हुने प्रहरीले जनाएको छ।