प्रतिदिन १० लाख डलर पुरस्कार दिने मस्कको कार्यक्रमलाई सरकारको चेतावनी
काठमाडौं । अमेरिकी न्याय विभागले इलोन मस्कको अभियान अमेरिका पीएसीलाई चेतावनी पत्र पठाएको छ ।
अमेरिकी न्याय विभागले ट्रम्पको समर्थनमा मस्कको चुनावी अभियान संगठनलाई पत्र लेखेको छ ।
मतदातालाई प्रतिदिन १० लाख अमेरिकी डलर दिने मस्कको योजना कानून उल्लंघनको दायरामा आउन सक्ने पत्रमा लेखिएको छ ।
पत्र पठाएको बीबीसी सम्बद्ध सीबीएस न्यूजले पुष्टि गरेको छ । मस्कको चुनावी अभियानलाई पठाइएको पत्रको जानकारी पहिलो पटक सीएनएनले साझा गरेको थियो ।
मस्कको अभियान अमेरिका पीएसीको यो पुरस्कार योजनामा सात स्विङ राज्यमा दर्ता भएका मतदाताहरूलाई एउटा याचिकामा हस्ताक्षर गर्न अपील गरिएको छ ।
चुनाव नहुँदासम्म प्रत्येक दिन पिटिशनमा हस्ताक्षर गर्ने व्यक्तिलाई एक मिलियन अमेरिकी डलर दिइनेछ ।
केही कानूनविद्हरूले यो पुरस्कार योजना गैरकानूनी हुनसक्ने पहिल्यै बताएका थिए ।
अक्टोबर १९ मा पहिलो चिठ्ठा चेक पेन्सिलभेनियामा एक कार्यक्रममा एक व्यक्तिलाई दिइएको थियो ।
तपाईको प्रतिक्रिया