पाकिस्तान : यात्रुवाहक सवारी साधनमा बन्दुकधारीको आक्रमण, ४० भन्दा धेरैको मृत्यु

इस्लामवाद । पाकिस्तानको दुर्गम क्षेत्रमा २०० जना यात्री चढेको सवारी साधनहरूमाथि अज्ञात बन्दुकधारीले आक्रमण गर्दा कम्तीमा ४१ जनाको मृत्यु भएको छ । यस घटनामा कयौँ महिला र बालबालिकाको पनि मृत्यु भएको छ । 

पाकिस्तानको कुर्राम जिल्ला भएर जाँदै गर्दा ती सवारी साधनमाथि जथाभाबी गोली चलाइएको थियो । यो क्षेत्र अफगानी सीमा नजिक पर्छ । बन्दुकधारीले सुरुमा ती सवारी साधनलाई इस्कोर्ट गरिरहेका प्रहरीमाथि गोली चलाएका थिए ।

सो क्षेत्रमा साम्प्रदायिक हिंसा चर्किएपछि यस वर्ष दर्जनौँ मानिसको मृत्यु भइसकेको छ । यस्तो प्रहरीले उक्त क्षेत्र भएर जाने सवारी साधनलाई सुरक्षा दिँदै आएका थिए । 

बिहीबारको आक्रमणमा ४१ जनाको मृत्यु भएको र अरू १६ जना गम्भीर घाइते भएको प्रहरीले बताएको छ । मृतकको सङ्ख्या थप बढ्न सक्ने आशङ्का गरिएको छ ।