कैलालीमा लागुऔषधसहित ८ जना युवक पक्राउ
धनगढीः कैलालीमा लागुऔषधसहित ८ जना युवक पक्राउ परेका छन्।
जिल्लाको धनगढी उपमहानगरपालिका–१० घुयाँघाटका २३ वर्षीय मलराम राना लागूऔषधसहित पक्राउ परेका छन्। उनी ४१० मिलिग्राम लागुऔषधसहित मंगलबार दिउँसो पक्राउ परेका हुन्। यस्तै गोदावरी नगरपालिका–३ बसपार्कबाट १२० मिलिग्राम लागुऔषधसहित बझाङको बुङ्गल नगरपालिका–५ का २५ वर्षीय ललित नाथ मंगलबार दिउँसो पक्राउ परेका छन्।
जिल्ला प्रहरी कार्यालय कैलालीबाट खटिएको प्रहरी टोलीले उनलाई लागुऔषधसहित नियन्त्रणमा लिएको हो। यसैगरी गोदावरी नगरपालिका–१ अत्तरियाबाट ९० मिलिग्राम लागुऔषधसहित २ जना मंगलबार साँझ पक्राउ परेका छन्। गोदावरी नगरपालिका–११ का २२ वर्षीय करूणाकर भट्ट र गोदावरी नगरपालिका–१ का २६ वर्षीय राजन हमाल लागुऔषधसहित पक्राउ परेका हुन्।
इलाका प्रहरी कार्यालय मालाखेतीबाट खटिएको प्रहरी टोलीले दुबै जनालाई लागुऔषधसहित पक्राउ गरेको हो। यता धनगढी उपमहानगरपालिका–१३ राजपुरका २२ वर्षीय रबिन रानासहित तीन १२० मिलिग्राम लागुऔषधसहित मंगलबार राति पक्राउ परेका छन्।
जिल्ला प्रहरी कार्यालय कैलालीबाट खटिएको प्रहरी टोलीले तीनै जनालाई लागुऔषधसहित नियन्त्रणमा लिएको हो। उता टीकापुर नगरपालिका–९ खक्रौलाबाट १ ग्राम ६ सय ३० मिलिग्राम लागुऔषधसहित टीकापुर नगरपालिका–९ कै २८ वर्षीय संजय विकलाई पनि मंगलबार राति नै पक्राउ गरिएको प्रहरी चौकी कालाकुण्डाले जनाएको छ।
तपाईको प्रतिक्रिया