डोटीको एक घरमा आगलागी हुँदा गरगहनासहित नगद जलेर नष्ट

डोटीः डोटीको एक घरमा आगलागी भएको छ। जिल्लाको दिपायल–सिलगढी नगरपालिका–३ माटेओडारस्थित पशुदेवी साउँदको घरमा विद्युत सर्ट भएर आइतबार दिउँसो आगलागी भएको हो।

आगलागीबाट खाद्यान्न, लत्ताकपडा, भाँडावर्तन, फर्निचर, सुनका गरगहना तथा नगद समेत जलेर करिब ५ लाख रूपैयाँ बराबरको धनमाल नष्ट भएको छ। प्रहरीले स्थानीयको सहयोगमा आगलागी नियन्त्रणमा लिएको हो।