धनगढीमा नेपाल नर्सिङ संघको मतदान जारी

धनगढी, २८ मंसिर ।
नेपाल नर्सिङ संघको नयाँ नेतृत्व चयनका लागि सुदूरपश्चिमको धनगढीमा मतदान भईरहेको छ ।

नेपाल नर्सिङ संघको २० औं केन्द्रीय कार्यसमिति तथा नेपाल नर्सिङ परिषद सदस्यका लागि मतदान भईरहेको हो ।

सात वटै प्रदेशमा तोकिएका मतदान केन्द्रहरुमा बिहान ७ बजे मतदान शुरु भएको हो । सुदूरपश्चिमभरीका लागि तोकिएको एक मात्र मतदान केन्द्र सेती प्रादेशिक अस्पतालको एसवीए हलमा यतिबेला मतदान जारी छ । मतदान साँझ ५ बजेसम्म चल्ने छ ।

देशभरीमा १५ हजार पाँच सय २७ मतदाता रहेको संघ अन्तर्गत सुदूरपश्चिममा दुई सय मतदाता रहेका छन् ।

निर्वाचन अधिकृत कमला न्यूरे भट्टका अनुसार दिउँसो १ः४८ बजेसम्म ६३ जनाले मतदान गरेका  छन् ।