सरकार परिवर्तन हुँदैन, गगन थापासँग असमझदारी छैन : शेखर कोइराला

धनगढी, ५ पुष । नेपाली कांग्रेसका वरिष्ठ नेता डा. शेखर कोइरालाले अहिलेको सरकारलाई असफल हुन छुट नभएको बताएका छन् । पार्टीको कार्यक्रम लिएर सुदूरपश्चिम पुगेका नेता कोइराला ले आज (शुक्रबार) धनगढीमा आयोजित पत्रकार सम्मेलनमा यस्तो बताएका हुन् । उनले अहिलेको सरकार नढल्नेसमेत दाबी गरे । उनले सरकारले जनताको चाहानाबमोजिम काम गर्नुपर्नेमा जोड दिए ।

सो क्रममा उनले आफू १५औं महाधिवेशनमा सभापतिको उम्मेद्वारी दिने तयारीका साथ अहिलेदेखि नै लागिपरेको बताए । आफूसँग महामन्त्री गगन थापासँग पनि राम्रो सम्बन्ध रहेको उनको दाबी छ । उनले गगन थापासँग कुनै असमझदारीन भएको स्पष्ट पारेका हुन् ।