डा. निकोलस भुसाललाई ५० हजार धरौटीमा छाड्न अदालतको आदेश

पोखरा । राष्ट्रिय स्वतन्त्र पार्टी (रास्वपा) का सभापति रवि लामिछाने हिरासतमा सुतिरहेको फोटो सार्वजनिक गरेको अभियोग लागेका डा. निकोलस भुसाल ५० हजार धरौटीमा रिहा भएका छन् ।

कास्की जिल्ला अदालतका न्यायाधीश शंकरबहादुर राईको इजलासले निकोलसलाई ५० हजार धरौटीमा रिहा गर्न आदेश दिएको हो ।

सूर्यदर्शन सहकारी प्रकरणमा रवि हिरासतमा रहेका बेला निकोलसले सुतिरहेको फोटो सार्वजनिक गरेका थिए । सहकारी वकिल कार्यालय कास्कीले हिजो मात्रै निकोलसविरुद्ध विद्युतीय कारोबार ऐनविरुद्धको कसुरमा मुद्दा दर्ता गराएको थियो ।