धनगढी,१० फागुन। माइती नेपाल कन्चनपुरले एक वर्षको अवधिमा १४ महिला तथा बालबालिकाहरुको भारतबाट उद्दार गरेको छ । संस्थाले आज (आइतबार) पत्रकार सम्मेलनको आयोजना गर्दै सन् २०२४ मा भएको कामकारबाही बारे जानकारी गराएको छ ।

एक वर्षको अवधीमा माइती नेपाल कन्चनपुरले भारतबाट १४ जनालाई बेचबिखन हुनबाट बचाएको संस्थाका संयोजक महेश्वरी भट्टले जानकारी दिइन । माइती नेपालले १४ जनामा कंचनपुरका ६ जनाको उद्दार गरिएको जनाएको छ ।

जसमा खटिमा, हरियाणा, शाहजहापुर, राजिस्थान, मुम्बई , पिथौरागढ सहित भारतका स्थानबाट योनजन्य कार्यमा बन्धक बनाइएका बालबालिका तथा महिलाको उद्दार गरिएको माइती नेपाल कन्चनपुरकी संयोजक भट्टले बताइन् ।

यस्तै , भारतको सुरत बाट सिराहाका, दिल्लीबाट धनुषाका , पुनाबाट काभ्रेपलान्चोक र तनहुँका , देहरादुन बाट बझाङ र कपिलवस्तुका एक( एक महिला तथा बालिकाको उद्दार गरि परिवारको जिम्मा लगाइएको संयोजक भट्टले बताइन् ।

माइती नेपाल कन्चनपुरले उक्त वर्ष तीन जना माथि मुद्दा पनि चलाइएको दाबी गरेको छ । कानुनी अडचनका बिच पनि मानव बेचबिखन विरुद्ध एक जना र दुई जना विरुद्ध जबरजस्तीकरणीको मुद्दा दर्ता गरिएको जनाइएको छ ।

पीडित महिला बालिकाहरुले समाजमा बस्न समस्या हुने गरेका कारण मुद्दा चलाउन नमान्ने गरेको संयोजक भट्टले बताइन् । उनले जसकारण पनि सन् २०२४ मा तीन जना विरुद्ध मुद्दा चलाइएको बताइन् । सस्थामा घरेलु हिंसा, लैङ्गिक हिंसामा परेका ३० निवेदन मध्ये २१ वटा समाधान गरिएको जनाएको छ ।

यस्तै सस्थाले २ सय ६८ जनालाई सिमानाका बाट निरोध तथा रोकथाम गरेको छ । गड्डाचौकी सिमानाका बाट १२१ जना, चारलेन पुलमा ३८ जना र झोलुङ्गे पुलमा ३७ जना महिला तथा बालिकालाई रोकथाम गरिएको संयोजक भट्टले जानकारी दिइन् ।

यस्तै , सस्थाले २ सय ९६ जना महिला बालबालिकालाई परिवार संग पुनर्मिलन गराएको छ । माइती नेपाल कन्चनपुरका अनुसार, १८ वर्ष मुनिका ११० बालिका र १० बालकलाई नाकाबाटै उद्दार गरि घर फर्काएको जनाएको छ भने, १८(४५ उमेर समुहका १ सय ४३ जना महिलालाई नाकाबाट उद्दार गरि परिवारको जिम्मा लगाएको हो ।

जसमा ३१ ब्राह्मण , ८८ दलित , ७८ क्षत्री, १६ ठकुरी , ३४ जनजाति९थारु० र २१ अन्य जातिका महिला बालबालिकाहरु रहेका छन् । सस्थाले उक्त अवधिमा १ लाख ३८ हजार ५५० जना व्यक्तिहरुलाई परामर्श प्रदान गरेको जनाइएको छ । महिला तथा बालबालिका बेचबिखन रोक्नका लागि सन् २०२४ मा ८ हजार ३ सय ८९ सवारी साधनमा अनुगम गरिएको संस्थाले जनाएको छ ।

महिला तथा बालबालिका बेचबिखन बिरुद्द जनचेतना फैलाउन सिमानाकामा ३७ हजार ९०२ जना र कार्यालयमा २९६ जनालाई सुरक्षीत बसाईसराई बारे परामर्श प्रदान गरेको सस्थाले जनाएको छ ।