एलपी ग्यासको मुल्य बढ्ने

काठमाडौं । खाना पकाउने एलपी ग्यासको मुल्य बढ्ने भएको छ । आन्दोलनरत नेपाल एलपी ग्यास उद्योग संघ र सरकारबीच ५ बुँदे सहमतिभए संगै ग्यासको मुल्य बढ्ने भएको हो ।

आज मंगलबार भएको ४ घण्टा लामो वार्तापछि ग्यासमा १२ रुपैयाँ ७५ पैसा बढाउने सहित भएको छ। यस सँगै अब ग्यासको मुल्य प्रतिसिलिन्डर १ हजार ९ सय १० बाट बढेर १ हजार ९ सय २२ रुपैयाँ ७५ पैसा पुगेको छ ।

वाणिज्य तथा आपूर्ति मन्त्रालयका सचिव गोविन्दबहादुर कार्की सहितका सरकारी प्रतिनिधि र उद्योगीबीच भएको छलफलपछि आन्दोलन फिर्ता लिने सहमति भएको हो ।