काठमाडौँ। स्वास्थ्य तथा जनसङ्ख्या मन्त्री प्रदीप पौडेल अस्पतालमा भर्ना भएका छन। 

 ज्वरो आएपछि उनलाई शनिबार राति वीर अस्पतालमा भर्ना गरिएको सचिवालयले जनाएको छ। सचिवालयका अनुसार उनको वीर अस्पतालको भीआईपी क्याबिनमा उपचार भइरहेको छ। 

उनलाई लामो समयदेखि रुघाखोकी र ज्वरो आउनुका साथै स्वास्थ्यमा कमजोरी देखिएपछि केही दिन घरमै आराम गरेपछि काममा फर्किएका थिए। शुक्रबार थाइल्याण्डको बैंककमा मन्त्रीस्तरीय  बैठकमा सहभागी भएर स्वदेश फर्किए लगत्तै उनी पुनः बिरामी परेका हुन।