भित्री वस्त्रभित्र लुका‍इएको दुई किलो कोकिनसहित ‍ब्राजिलियन महिला पक्राउ

काठमाडौं । महिलाले प्रयोग गर्ने भित्री वस्त्रभित्र लुकाएर ल्याएको कोकिनसहित एक ब्राजिलियन महिला पक्राउ परेकी छन् ।

प्रहरीको लागुऔषध नियन्त्रण ब्युरोको टोलीले इमेली माइकल सान्तोष फेरेरालाई विमानस्थलबाट पक्राउ गरेको हो । उनलाई ब्युरोको टोलीले दोहा हुँदै त्रिभुवन विमानस्थल आउँदै गर्दा पक्राउ गरेको हो ।

उनको साथबाट प्रहरीले एक किलो ९५० ग्राम कोकिन बरामद गरेको हो । ब्युरोका सूचना अधिकारी जीवन निरौलाका अनुसार, उनी नेपाल हुँदै भुटान जान लागेकी थिइन् ।