कैलालीमा अनिश्चितकालीन कर्फ्यू जारी

कैलाली ।  वर्तमान परिस्थितिलाई मध्यनजर गर्दै कैलाली जिल्ला प्रशासन कार्यालयले जिल्लाभर नै कर्फ्यू आदेश जारी गरेको छ। प्रमुख जिल्ला अधिकारी कृष्णप्रसाद आचार्यले स्थानीय प्रशासन ऐन, २०२८ को दफा ६ ९क० बमोजिम बिहीबार साँझ ५ बजेदेखि अर्को सूचना नआएसम्म कर्फ्यू लागू हुने जानकारी दिएका हुन्। जारी आदेशअनुसार तीन जनाभन्दा बढी भेला, जुलुस, प्रदर्शन, सभा, बैठक तथा घेराबन्दी गर्न पूर्णतः निषेध गरिएको छ।

कर्फ्यूको समय तालिका 

बिहान १०ः ०० बजेदेखि बेलुकी ५ः०० बजेसम्म निषेधाज्ञा

साँझ ७ः०० बजेदेखि बिहान ६ः०० बजेसम्म कर्फ्यू

आवश्यक सेवा तथा कार्यका लागि आवतजावत गर्ने समय
बिहान ६ः०० बजे देखि १०ः०० बजेसम्म र साँझ ५ः०० देखि ७ः०० बजेसम्म तोकिएको छ।

प्रशासनले सर्वसाधारणलाई आदेशको पालना गर्न अनुरोध गरेको छ।