लेगोस, नाइजेरिया ।

अफ्रिकाको नाइजेरियामा बसोबास गरिरहेका नेपालीहरुले लेगोसमा दशैंको टीका संयुक्त रुपमा लगाएका छन् ।

लेगोसमा रहेका गैरआवासीय नेपाली संघका पुर्व कोषाध्यक्ष हिक्मत थापा र मन थापाबाट उनीहरुले टीका जमरा ग्रहण गरेका हुन् । 

नेपालीहरुको मुख्य पर्व दशैं संयुक्त रुपमा प्रवासमा मनाउदा नेपालीबीच भातृत्व, प्रेम र एकता अनि नेपाल प्रतिको माया बढने विश्वाश गरिएको छ ।

दशैंको टीकाको दिन ज्येष्ठ नागरिक तथा अभिभावकबाट टीका ग्रहण गरेर आशिर्वाद लिईन्छ । नेपालीहरुले सोही संस्कृति अनुसार नेपाली अगुवा थापा दम्पत्तीबाट टीका ग्रहण गरेका हुन् ।

सोही अवसरमा नेपालीहरुले एक अर्कालाई टीका लगाए । थापा दम्पत्ती सहित नेपाली परिवारको हातबाट नाईजेरियाका नागरिकहरुले समेत टीका ग्रहण गरी दशैंलाई उत्सवका रुपमा मनाए ।