जापान उड्न हिडेकी सरस्वती बाटोमै अस्ताईन

डोटी, १८ असोज ।
दशैंको टीका लगाएर जापान जान हिडेकी डोटीको दीपायल सिलगढी नगरपालिका -१ तिखाकी २० वर्षीया सरस्वती खड्काको कपिलवस्तुमा बस दुर्घटनामा परी मृत्यु भएको छ ।

जापान जान घरबाट बिदावारी भई काठमाण्डौं जादै गरेकी खड्का बस दुर्घटनामा परी कपिलवस्तुमा अस्ताईन । उनी धनगढीबाट ना ८ ख ५७०३ नम्बरको बसमा काठमाण्डौं जादै थिईन् । उनी चढेको बस आज बिहान कपिलवस्तु जिल्लाको शिवराज नगरपालिका–१, वनकसवासमा आज बिहान दुर्घटनामा परेको हो ।

दुर्घटनामा परी घाईते भएकी खड्काको उपचारका क्रममा निधन भएको प्रहरीले जनाएको छ । बाटोमै अस्ताएकी खड्काको जापान जाने सपना अधुरो रह्यो ।