प्रधानमन्त्री कार्कीले दिइन् पाकिस्तानका प्रधानमन्त्रीलाई धन्यवाद

काठमाडौँ । प्रधानमन्त्री सुशीला कार्कीले पाकिस्तान सरकार र त्यहाँको जनताको सहयोग आवश्यक रहेको बताएकी छन् । 

पाकिस्तानका समकक्षी शेहवाज सरिफले नेपालमा आएको बाढी र त्यसबाट भएको क्षतिप्रति दुःख र संवेदना प्रकट गरेपछि प्रधानमन्त्री कार्कीले धन्यवाद दिँदै उक्त कुरा बताएकी हुन् । 

कार्कीले बाढी र पहिरोको यो कठिन समयमा पाकिस्तान सरकार र त्यहाँको जनताबाट प्राप्त सहयोग सद्भावप्रति पनि धन्यवाद व्यक्त गरिन् । 

सरिफले हिजो आफ्नो आधिकरिक एक्सबाट नेपालमा बाढी र पहिरोबाट भएको मृत्यु र व्यापक क्षतिप्रति दुःख व्यक्त गरेका थिए । यो कठिन क्षणहरूमा पाकिस्तान सरकार र जनता नेपाल सरकार र जनताको साथमा रहेको उल्लेख गरेका थिए ।