शंकरपुर सामुदायिक भवन उद्घाटन

मसुरिया,२ वैशाख ।  गौरीगंगा नगरपालिका वडा नं ९ मा सामुदायिक भवन उद्घाटन गरिएको छ । सामुदायिक भवनको वडा अध्यक्ष हरि प्रसाद तिवारीले उद्घाटन गरेका छन् । शंकरपुर सामुदायिक भवनको निर्माणले थारु समुदायले आफ्नो सामाजिक सांस्कृतिक र धार्मिक कार्य गर्ने स्थायी संरचना निर्माण भएकोमा खुसी व्यक्त गरेका छन् । वडा सरकारले शंकरपुर गाउँमा सामुहिक सामुदायिक भवनको आवश्यकता महसुस गरेर सहयोग भवनको निर्माणले सामाजिक कार्य गर्न उत्प्रेरणा जगाएको गुरुवा कुलराम चौधरी बताउनुहुन्छ ।

हाम्रो सामाजिक रितिरिवाज चालचलन सामुहिक हितमा आधारित छ भवनको निर्माणले गाउँको विकासमा योगदान त हुन्छ नै सामुहिक एकताको संन्देश वडा जनप्रतिनिधिले देखाएको स्थानीय बताउँछन् । भवनको उद्घाटन गर्दै वडा अध्यक्ष तिवारीले सामुहिक आवश्यकतालाई वडाको तर्फबाट निरन्तर साथ सहयोग रहने प्रतिबद्धता व्यक्त गरेका छन् ।

भवनको निर्माणले खोप शिविर,  सामाजिक भेला छलफल गर्न साझा थलोको आवश्यकता परिपूर्ति गर्ने र सामाजिक एकतालाई बलियो बनाउने विश्वास व्यक्त गरेका थिए । नगरपालिकाको ७ लाख रुपैयाँको सहयोगमा स्थानीयवासीको १ लाख २७ हजार ८ सय पचास रुपैयाँको जनश्रमदानबाट भवनको निर्माण सम्पन्न भएको निर्माण समितिका अध्यक्ष राजकुमार थारुले जानकारी दिए ।  सामुदायिक भवन निर्माणको सार्वजनिक सुनुवाई कार्यक्रम समेत सम्पन्न भएको छ ।