सभापति देउवाद्वारा नयाँ अनलाइन समाचार सुरुवात

डडेल्धुरा । नेपाली कांग्रेसका सभापति शेरबहादुर देउवाले अनलाइन समाचार पोर्टल ‘सञ्चारलेन्स डटकम’  www.sancharlens.com को उद्घाटन गरेका छन् ।

आज यहाँ आयोजित सभापति देउवाले सो अनलाइन पोर्टलमा समाचार पोष्ट गर्दै सो अनलाइन सेवा सुरुवात गरेका हुन् । सो अवसरमा उनले डडेल्धुराबाट अनलाइन समाचार सेवा सञ्चालन भएकोमा सञ्चालक एवं पत्रकारलाई बधाई तथा शुभकामना दिए ।

सभापति देउवाले भने, “हाम्रो डडेल्धुराबाट अनलाइन माध्यम समाचार सेवा सञ्चालन गर्नुभएको छ । अनलाइन समाचार सेवा प्रदान गर्ने साथी भाइलाई हार्दिक बधाई र शुभकामना ।” उनले पत्रकारिता क्षेत्र चुस्तदुरुस्त हुनुपर्नेमा जोड दिए ।

लिपुलेक मिडिया एण्ड टेक्नोलोजी प्रालिले उक्त न्यूज पोर्टल सञ्चालनमा ल्याएको हो । यसको सम्पादक धनबहादुर भण्डारी हुन् । उनी डेढ दशकदेखि डडेल्धुराबाट पत्रकारिता क्षेत्रमा आबद्ध रहेका छन् ।