वीआरआईबारे माधवको सुझाव- नेपालको हितको विरुद्धमा छैन, लाभ लिनुपर्छ

काठमाडौं । पूर्वप्रधानमन्त्री तथा एकीकृत समाजनवादीका अध्यक्ष माधव नेपालले प्रधानमन्त्री केपी शर्मा ओलीलाई वीआरआई नेपालको हितको विरुद्धमा नभएको सुझाएका छन् ।

चीन भ्रमणबारे परामर्श लिनको लागि सिंहदरबारमा भएको छलफलपछि नेपालमा वीआरआई पहिलेदेखि नै लागू भइसकेको बताए ।

उनले भने, ‘वीआरआई नेपालको हितको विरुद्धमा छैन । यसबाट नेपालले लाभ लिनुपर्छ । लाभ लिने विषयमा हामीले सबैसँग सम्बन्ध राख्ने गरेका छौं । वीआरआईसँग त हामी उहिले नै आवद्ध भइरहेका छौं ।’

तर, बीआरआई परियोजनाको विषयमा सत्तारुढ दलहरूबीच मतऐक्यता हुन सकिरहेको छैन । यही विषयले गठबन्धनमा कुनै समस्या नआओस् भनेर दुवै दलको तर्फबाट गठित उच्चस्तरीय संयन्त्रले काम गरिरहेको छ ।