पाकिस्तानमा प्रहरी र इमरान खानका समर्थकबिच झडप

इस्लामवाद । पाकिस्तानमा पूर्व क्रिकेटर तथा पूर्व प्रधानमन्त्री इमरान खानका समर्थक तथा प्रहरीबिच झडप भएको छ । इस्लामवादमा इमरान खानको समर्थनमा सडकमा उत्रिएका प्रदर्शनकारी र प्रहरीबिच झडप भएको हो ।

प्रदर्शनकारीहरूले प्रहरीमाथि ढुङ्गा मुडा गरेपछि प्रहरीले अश्रुग्याँस प्रहार गरेको थियो । हिंसात्मक प्रदर्शनपछि अधिकारीहरू राजधानीलाई लकडाउनमा राखेका छन् । निश्चित क्षेत्रमा राजमार्गहरू बन्द गरिएको छ भने फोन सेवा पनि अवरुद्ध गरिएको छ ।

 खानले आफ्ना समर्थकको नाममा ‘अन्तिम आह्वान’ जारी गर्दै उनीहरूको माग सम्बोधन नगर्दासम्म राजधानीमै रहन अनुरोध गरेपछि प्रदर्शन सुरु भएको थियो । यतिबेला खान भ्रष्टाचारको लागि तीन वर्षको जेल सजाय भोगिरहेका छन् । तर खानले भने आफूमाथिको आरोप अस्वीकार गरेका छन् ।

रिहाइको माग गर्दै इस्लामवादमा खानकी पत्नी बुसरा बिवी पनि सडकमै आएकी छिन् । जनवरीमा खानको साथमा बिवीलाई पनि जेल सजाय दिइएको थियो । तर अक्टोबरको अन्त्यमा उनलाई रिहा गरियो ।