त्रिनगर मा.वि को ४८ औँ वार्षिकोत्सव सम्पन्न

धनगढी- धनगढीको त्रिनगर माध्यमिक विद्यालयले ४८ औँ  वार्षिकोत्सव समारोह सम्पन्न गरेको छ । सांस्कृतिक कार्यक्रमहरू गर्दै विद्यालयले आज वार्षिक समारोह सम्पन्न गरेको हो । विद्यालय व्यवस्थापन समितिका अध्यक्ष सुरेन्द्र चन्दको सभापतित्व रहेको उक्त समारोहमा सुदूरपश्चिम प्रदेशका सामाजिक विकास मन्त्री सरस्वती खड्का प्रमुख अतिथि रहेकी थिइन । 

कार्यक्रममा बोल्दै मन्त्री खड्काले त्रिनगर विद्यालयमा अपूर्ण रहेको छात्रावासलाई तीन वर्षभित्र सञ्चालनमा ल्याउने प्रतिबद्धता जनाएकी छन् ।  छात्राहरूको सङ्ख्या बढी रहेका त्रिनगरमा उचित छात्रा शौचालयको पनि व्यवस्था गर्ने उनले बताइन । 

वार्षिक प्रतिवेदन पेस गर्दै त्रिनगरका प्रधानाध्यापक भूपाल सिंह खड्काले विद्यालयको शैक्षिक गुणस्तरमा वृद्धि  भएको बताए । उनले विद्यालयको विभिन्न पक्ष सुधारका  लागि योजनाहरू समेत सुरु भएको जानकारी दिए ।