परीक्षा रोक्न विद्यार्थीले पठाए विद्यालयमा बम धम्की

काठमाडौं । भारतको राजधानी दिल्लीका तीन विद्यालयमा बम धम्की दिने सोही विद्यालयमा अध्ययनरत विद्यार्थी रहेको पाइएको छ।

दिल्ली प्रहरीलाई उदृधत गर्दै दैनिक भास्करले दाजुबहिनीले त्यस्तो धम्की दिएको भनेको छ। सोधपुछका क्रममा उनीहरूले परीक्षा स्थगित गर्नका लागि बमको धम्की पठाएको स्वीकार गरेका छन्।

दुवैलाई सोधपुछपछि रिहा गरिएको छ। यस वर्षको मे महिनादेखि दिल्लीमा ५० वटा बम धम्की दिइएको छ, जसमा विद्यालय, अस्पताल र एयरपोर्टहरू समावेश छन्।

डिसेम्बर महिनामा ४ पटक विद्यालयलाई धम्की मिलेको थियो। यहीँ डिसेम्बर १३ मा विभिन्न विद्यालयहरूलाई बम धम्की पठाइएको थियो।