जम्मू-कश्मिरको कुलगाममा भारतीय सेनाको ‘अखल अपरेशन’, तीन आतंकवादी मारिए

एजेन्सी । पहलगाम आक्रमणपछि भारतीय सेनाले आतंकवाद नष्ट गर्न चलाएको ‘अखल अपरेशन’मा तीन जना आतंकवादी मारिएका छन् । सुरक्षाकर्मीहरूले विगत १०० दिनमा १२ जना मोस्ट वान्टेड आतंकवादीलाई मारिसकेका भारतीय सञ्चारमाध्यमले जनाएका छन् । 

२८ जुलाईमा ‘महादेव अपरेशन’मा लश्कर-ए-तैयबाका तीन आतंकवादी मारिए, जसमा पहलगाम आक्रमणको मास्टरमाइन्ड मूसा पनि थिए । त्यसपछि ३० जुलाईमा ‘शिवशक्ति अपरेशन’मा दुई आतंकवादीलाई मारियो, जहाँ सीमा पारबाट घुसपैठ गर्ने प्रयास भइरहेको सूचना थियो ।

१ अगस्टको राति कुलगाम जिल्लामा सुरक्षा बल र आतंकवादीबीच भएको मुठभेडमा तीन आतंकवादी मारिएका भारतीय सेनाले जनाएको  छ। सुरक्षा बलहरूले यस अभियानलाई ‘अखल अपरेशन’को नाम दिएका छन् । शुक्रबार सुरक्षा बललाई अखलका जंगलमा आतंकवादी लुकेका सूचना प्राप्त भएको थियो र त्यसपछि अपरेशन शुरू गरियो । आतंकवादीहरूले सुरक्षाकर्मीमाथि गोली चलाएपछि मुठभेड शुरू भएको थियो ।