सिबाईसी अत्तरियाले जित्यो अर्जुन ट्रफीको उपाद्यि

धनगढी । धनगढीमा जारि अर्जुन ट्रफी राष्ट्रिय क्रिकेट प्रतियोगिताको उपाधि सिबाईसी अत्तरियाले जितेको छ । फेण्ड्स क्लब डडेल्धुरालाई ३४ रनको फराकिलो अन्तरले हराउँदै सिबाईसीले उपाधि जितेको हो ।

फाप्ला अन्तर्राष्ट्रिय क्रिकेट मैदानमा सोमबार भएको फाइनल खेलमा अत्तरियाले डडेल्धुरालाई ११९ रनको लक्ष्य दिएको थियो । डडेल्धुराले ११९ रनको लक्ष्य पछ्याउने क्रममा १८ ओभरमा अलआउट हुँदै ८४ रन मात्र बनायो।

डडेल्धुराका गजेन्द्र बोहराले सर्वाधिक २४ रन बनाएका थिए, जबकि कुशल भुर्तेलले २० रन र अशोक धामीले ११ रन बनाए। अन्य ब्याट्सम्यानले दोहरो अंकको रन बनाउन सकेनन्।

अत्तरियाका साहब आलम र दीपेश कँडेलले समान ३(३ विकेट लिए, भने कमल गुप्ता र विवेक यादवले समान २(२ विकेट लिए।

अत्तरियाले टस जितेर पहिले ब्याटिङ गरेको थियो र २० ओभरमा ११८ रन बनायो, जसमा रसिद खानले ३१ रन बनाएका थिए। सन्तोष कार्की र शङ्कर रानाले समान २० रन बनाएका थिए। डडेल्धुराका लागि अभिषेक गौतमले ४ विकेट लिए, भने अजय चौहान र कुशल भुर्तेलले एक(एक विकेट लिए।

यो प्रतियोगितामा विजेता टिमले नगद १० लाख र उपविजेताले नगद ५ लाख सहित ट्रफी पाउनेछन्।