आसामविरुद्धको निर्णायक खेलमा पहिला ब्याटिङ गर्दै नेपाल ‘ए’

काठ्माण्डौँ । भारतको गुहाटी भ्रमणमा रहेको नेपाल ‘ए’ ले आज आसाम स्टेट टिमसँग निर्णायक खेल खेल्दैछ । यी दुई टिमबीचको पाँचौं तथा निर्णायक टी–२० बेलुका ३:१५ देखि सुरु भएको छ । 

आजको खेलमा नेपालले टस जितेर पहिला ब्याटिङ गर्ने निर्णय लिएको छ ।

सिरिज २–२ को स्थितिमा छ । आजको खेल जित्ने टिमले सिरिज आफ्नो पक्षमा पार्नेछ । नेपाल ‘ए’ आइतबारको हारको बदला लिँदै निर्णायक खेल जित्ने सोचमा छ ।

श्रृंखलाको पहिलो खेलमा १५ रनको हार बेहोरेको नेपालले दोस्रो र तेस्रो खेलमा क्रमशः ९६ रन र ९ रनको जित निकाल्यो । नेपाल आज उत्कृष्ट पुनरागमन गरेर सिरिज जित्ने योजनामा छ ।