साँफे हाट बजारमा आगलागी, ११ पसल जलेर नष्ट

साँफे(अछाम), १३ बैशाख ।

अछामको साँफेबगर नगरपालिका ३ स्थित हाटबजारमा आगलागी भएको छ । आगलागीबाट होटल, मासु पसल लगायत ११ पसल जलेर नष्ट भएका छन् ।

आगलागीबाट लाखौं रुपैयाको क्षति भएपनि क्षतिको पूर्ण विवरण आईनसकेको प्रहरीले जनाएको छ ।

स्थानीय बासिन्दा, प्रहरी र सशस्त्र प्रहरीको सक्रियतामा करीव दुई घण्टापछि आगलागी नियन्त्रणमा आएको छ । विहान चार बजे लागेको आगो छ बजे नियन्त्रणमा आएको स्थानीय व्यवसायी अशोक कुवँरले बताए ।

प्रहरीका अनुसार हाटबजारको सुभेच्छा मःम सेन्टरमा बिहान बिजुली सर्ट फैलिएर आगोले बजारका एक दर्जन पसलमा जलेर नष्ट भएका हुन् ।